UKirsty Coventry intshantshu yokuntseza osemicintiswaneni yamaOlympics eBeijing kwele China wenzile ezinye izimanga ngoMqgibelo lapho atholele iZimbabwe imendulo yegolide okuyimendulo yesine aseyithole emidlalweni yalonyaka.

Emidlalweni emithathu edluleyo utholele eleZimbabwe imendulu zesiliva kodwe le eyesine ibe ngeyegolide lapho ahle abhalwa embalini yalimidilalo yamaOlympics ukuba ubhukutshe ngesiqubu esingakaze sibhukutshwe ngabadlali balumdlalo emjahweni webackstroke wamameter angamakhulu amabili.

Uzulu weZimbabwe ukwamukele ngenjabulo ukunqoba kukaKirsty lokhu ngoba usehle wafaka iZimbabwe ezindabeni ezinhle ezimayelana leZimbabwe ngalesi nsuku elihlezi liphuma indaba ezimbi zokulamba kwabantu, umnotho ongamanga kuhle kanye lezombusazwe ezimi manzonzo.