IZimbabwe entsha isizelwe! UMongameli Robert Mugabe lamuhla uvumelene labakhokheli bamacele womabili eMDC uMnu Morgan Tsvangirai kanye loMnu Arthur Mutambara ukwabelana amandla.

Inyathelo leli lembula iZimbabwe entsha ekhangelelwe ngabanengi. Umlamulankunzi kudaba lweZimbabwe uMongameli Thabo Mbeki weleSouth Africa utshele intatheli eHarare ukuthi inkokheli yamabandla la sivumelene ukubumba uhulumende womanyano.

UMbeki uveze lokuthi kuzakwenziwa umkhosi omkhulu eHarare ngoMvulo emini owokusungula lesi sivumelwano njalo lumkhosi uzangenwa yinkokheli yamazwe eSadc kanye leAfrica jikelele.

Isivumelwano esikhona sisungula isihlalo seNhloko kahulumende, uPrime Minister. Lesi sikhundla sizanikezwa uTsvangirai. Akukabi sobala ukuthi uhulumende omutsha lo uzakuba emi njani.

-studio 7