CIO ngaibviswe, anodaro mamwe masangano
Mapato anopikisa uye masangano evanhuwo zvavo anoti bazi reCIO rinofanira kuparadzwa, vatungamiri varo vodzingwa nokusungwa nemhosva dzekuuraya vanhu.
Vachitaura pamusangano we National People’s Convention wakapindwa nemasangano akazvimirira anodarika makumi mashanu muHarare pakupera kwesvondo vezvematongerwe enyika pamwe chete nevanotungamirira masangano akasiyana vakati chinzvimbo chebazi reCIO chinofanira kuparadzwa.
Vaongorori vanoti CIO inofanira kunyatsoita basa rayo rekudzivirira nyika kwete kutsvaga vanhu vanofunga zvakasiyana naMugabe.
Vanotungamirira masangano evanhuwo zvavo vakati bazi iri rinofanira kutoongororwa neParliamentary Portfolio Committee inosanganisira mapato ose zvakare pachirambwa mashandiro anoita bazi iri.
Sachigaro weNational Constitutional Assembly Lovemore Madhuku akati, “CIO inofanira kutarisiswa nekuti inowana mari kubva kumitero inobatirwa vanhu pamari dzavanowana kumabasa. Kune dzimwe nyika, mashandiro emapazi akafanana ne reCIO anonyatsoongororwa. Vangashanda zvakavanzika asi vanenge vakanangana nekudzivirira nyika kubva kuvavengi.”
Kana president Mugabe vakaona kukodzera kwekuvandudza mashandiro ebazi iri zvokuti mumwedzi waGumiguru gore rapfuura vakatotaura nezvazvo paurongwa hwekuvakwa kwechikoro chekudzidzira mabasa ekusora kuMazowe icho chichapiwa zita ravo.
Posted by Munyori weMetro
on February 12, 2008. Filed under Local News.
You can follow any responses to this entry through the RSS 2.0.
Both comments and pings are currently closed.
Socialize
Recent Comments